E ŭ r o g e n t o	Genealogia retejo Genealogical site
		Laŭtema indekso / Thematic index:: eo: Esperanta versio • cs: Česká verze • de: Deutsche Version • en: English version • es: Versión española • fr: Version française • it: Versione italiana • pl: Wersja polska • ua: Українська версія

STATUTO DE LA SILEZIA GENEALOGIA SOCIETO

Ĉapitro I: Ĝeneralaj principoj

                                                                                        § 1  
La Silezia Genealogia Societo, nomata en sekvaj paragrafoj la societo, estas registrita asocio kaj laǔ la leĝo pri asocioj posedas juran personecon.
                                                                                        § 2  
La Silezia Genealogia Societo estas socia-kultura asocio, grupiganta amantojn de genealogio kaj familia tradicio je principo de libervoleco, kaj bazas sian agadon je senprofita laboro de la membraro.                                                                                           § 3  
Agadtereno de la societo estas teritorio de Pola Respubliko kaj eksterlando kaj sidejo de ĝiaj ĉefaj organoj estas la urbo Vroclavo. 
                                                                                         § 4  
La societo grupigas civitanojn de Pola Respubliko kaj eksterlandanojn loĝantajn enlande kaj eksterlande. 
                                                                                         § 5  
Organizaj unuoj de la societo estas rondoj.  
                                                                                         § 6  
La societo povas esti membro de landaj kaj internaciaj asocioj kun samaj aŭ similaj statutaj celoj. 
                                                                                         § 7  
La societo rajtas uzi organizajn insignojn kaj sigelojn.

Ĉapitro II: Celoj kaj agadrimedoj

                                                                                         § 8  
La societo celas:  
1) popularigadi genealogian scion,  
2) iniciati genealogiajn esplorojn,  
3) disvolvadi kultur-klerigan aktivecon inter la membraro. 
                                                                                         § 9
La societo realigas siajn celojn, konforme al devigaj leĝpreskriboj, pere de:
1) gvidado de biblioteko kaj genealogia arkivo por bezono de la societo,
2) organizado de genealogiaj prelegoj kaj seminarioj,
3) eldonado de bultenoj kaj publikaĵoj pri genealogiaj temoj,
4) genealogiaj konsultadoj,
5) kunlaboro kun genealogiaj societoj, arkivoj kaj historiaj institutoj en Pollando kaj eksterlande,
6) kreado, programado kaj agado de studgrupoj,
7) popularigado de la internacia lingvo Esperanto kaj aliaj lingvoj inter membroj de la societo,
8) entreprenado de ĉiaspeca alia aktiveco konforma al statutaj celoj de la societo.

Ĉapitro III: Membroj, iliaj rajtoj kaj devoj

                                                                                         § 10
Membroj de la societo dividiĝas je:
1) ordinaraj membroj,
2) subtenantaj membroj,
3) honoraj membroj. 
                                                                                        § 11  
1. Ordinara membro povas fariĝi fizika persono, kiu deklaris pretecon realigi celojn de la societo.  
2. Pri atribuo de ordinara membreco povas peti:  
    a) plenaĝaj civitanoj profitantaj plenon de publikaj rajtoj,  
    b) neplenaĝuloj en la aĝo 16-18 jaroj,  
    c) neplenaĝuloj malpli ol 16-jaraj posedantaj permeson de gepatroj aŭ kuratoroj.  
3. Akceptado kaj forstrekado el la listo de ordinaraj membroj okazas surbaze de decido de la Ĉefa Estraro de la societo. 
                                                                                        § 12
1. Subtenanta membro de la societo povas fariĝi fizika aŭ jura persono, kiu por subteni agadon de la societo pagis membrokotizon.
2. Subtenanta membro - la jura persono agas en la societo pere de sia reprezentanto.
3. Akceptado kaj forstrekado el la listo de subtenantaj membroj okazas surbaze de decido de la Ĉefa Estraro de la societo.
                                                                                        § 13
1. Statuson de honora membro atribuas la Ĝenerala Membrokunveno je propono de la Ĉefa Estraro al personoj precipe meritplenaj por popularigado de genealogio kaj familia tradicio.
2. Honoraj membroj ne pagas membrokotizojn kaj posedas ĉiujn rajtojn de ordinaraj membroj de la societo.
                                                                                        § 14
1. Plenaĝaj membroj ordinaraj kaj honoraj posedas aktivan kaj pasivan elektorajton al organoj de la societo.
2. Aktivan kaj pasivan elektorajton posedas ankaŭ neplenaĝaj membroj en la aĝo 16-18 jaroj, tamen ili ne povas formi plimulton en organoj de la societo.
3. Ordinaraj, subtenantaj kaj honoraj membroj rajtas:
    a) profiti ĉiun helpon de la societo laŭ ĝenerale akceptitaj principoj,
    b) elpaŝi kun iniciatoj konformaj al celoj de la societo kaj partopreni la organizan vivon,
    c) prezenti proponojn koncerne agadon de la societo.
                                                                                        § 15
Membroj de la societo estas devigitaj:
1) aktive partopreni realigadon de statutaj celoj de la societo,
2) observi la statuton, regularojn kaj decidojn de organoj de la societo,
3) regule pagi membrokotizojn.
                                                                                        § 16  
1. Membreco finiĝas per:  
a) memvola eksiĝo anoncita skribe al la Ĉefa Estraro de la societo,  
b) forstreko el la membrolisto fare de la Ĉefa Estraro pro ne pago de la membrokotizo dum unu jaro, kalkulante ekde fino de la jaro por kiu kotizo estis pagita,  
c) eksigo fare de la Ĉefa Estraro pro malobservo de la statuto aŭ agado je malutilo de la societo.  
2. Kontraŭ decido de la Ĉefa Estraro eksigita persono rajtas apelacii al la Ĝenerala Membrokunveno. 
                                                                                        § 17  
Membroj plenumas siajn funkciojn senprofite, escepte de personoj dungitaj en oficejo de la societo.

Ĉapitro IV: Bazaj unuoj de la societo

                                                                                        § 18  
1. Bazaj unuoj de la societo estas terenaj kaj mediaj rondoj.  
2. Rondon fondas la Ĉefa Estraro kiam en urbo aŭ medio estas minimume 10 membroj. 
                                                                                        § 19  
1. La plej alta organo de rondo estas la Ĝenerala Membrokunveno de la Rondo.  
2. Ĝenerala Membrokunveno de la Rondo:  
a) memstare difinas programon kaj agadplanon,  
b) pritaksas statutan agadon de membroj de la rondo,  
c) akceptas raportojn pri agado de estraro de la rondo kaj donas absolutorion.  
d) elektas estraron de la rondo en konsisto 3-5 personoj. 
                                                                                        § 20  
1. Estraro de rondo elektas inter si prezidanton, sekretarion kaj kasiston.
2. Estraro de rondo plenumas povon en periodo inter ĝeneralaj membrokunvenoj kaj ĝia daŭro estas du jaroj.
3. Al kompetenteco de estraro de rondo apartenas:
    a) realigado de decidoj de la membrokunveno, programo kaj agadplano,
    b) kunlaboro kun organizaĵoj kaj entreprenoj en sia agadtereno,
    c) nomado de problemaj komisionoj,
    d) kunvokado de membrokunvenoj de la rondo.

Ĉapitro V: Ĉefaj organoj de la societo

                                                                                        § 21
1. Ĉefaj organoj de la societo estas:
    a) Ĝenerala Membrokunveno,
    b) Ĉefa Estraro,
    c) Revizia Komisiono.
2. Oficdaŭro de organoj estas tri jaroj.

ĜENERALA MEMBROKUNVENO

                                                                                         § 22  
1. La plej alta organo de la societo estas la Ĝenerala Membrokunveno.  
2. La Ĝenerala Membrokunveno povas esti ordinara aǔ eksterordinara. 
                                                                                        § 23  
1. Ordinara Membrokunveno estas kunvokata ĉiun trian jaron fare de la Ĉefa Estraro.  
2. La Ĉefa Estraro sciigas membrojn pri dato, loko kaj proponata tagordo de la Ĝenerala Membrokunveno minimume 21 tagojn antaŭ dato de la Kunveno. 
                                                                                        § 24  
Eksterordinara Ĝenerala Membrokunveno estas kunvokata:  
a) laǔ decido de la ĉefa Estraro,  
b) je skriba postulo de la Revizia Komisiono,  
c) je skriba peto subskribita de 1/3 de la societa membraro. 
                                                                                        § 25  
Al kompetenteco de la Ĝenerala Membrokunveno apartenas:  
1) kompleksa pritakso de agado de la societo,  
2) difinado de ĉefaj agadprincipoj de la societo,  
3) ekzamenado kaj aprobado de raportoj de la Ĉefa Estraro kaj de la Revizia Komisiono,  
4) decidado en ĉiuj aferoj koncernantaj agadon de la societo,  
5) elektado de la Ĉefa Estraro kaj Revizia Komisiono,  
6) decidado pri ŝanĝoj en la statuto de la societo,  
7) nomado de honoraj membroj,  
8) ekzamenado de apelacioj de personoj eksigitaj de la societo,  
9) decidado en la kazo de malfondiĝo de la societo.  
                                                                                         § 26  
1. Decidoj de la Ĝenerala Membrokunveno estas farataj per simpla plimulto da voĉoj en ĉeesto de almenaŭ 1/2 de membraro en la unua fiksita tempo kaj sendepende de nombro da ĉeestantoj en la dua fiksita tempo, kun la escepto de decidoj pri statut-ŝanĝo kaj dissolvo de la societo.  
2. Elekto de organoj de la societo okazas en publika balotado, escepte se la Ĝenerala Membrokunveno decidos pri sekreta balotado.

LA ĈEFA ESTRARO

                                                                                         § 27  
1. La Ĉefa Estraro konsistas el 5-7 personoj kaj elektas el inter si prezidanton, vicprezidanton, sekretarion kaj kasiston.  
2. La Ĉefa Estraro plenumas povon en periodo inter ĝeneralaj membrokunvenoj.  
3. La Ĉefa Estraro rajtas koopti al sia konsisto novajn membrojn je loko de cedintaj membroj en nombro ne superanta 1/2 de konsisto devenanta el elekto. 
                                                                                        § 28  
Al kompetenteco de la Ĉefa Estraro apartenas:  
1) gvidado de kompleksa agado de la societo kaj raportado pri sia agado antaǔ la Ĝenerala Membrokunveno,  
2) fondado kaj malfondado de terenaj kaj mediaj rondoj,  
3) decidado pri havaĵo de la societo,  
4) ekzamenado de proponoj kaj rekomendoj de la Revizia Komisiono,  
5) nomado kaj maldungado de oficistoj por administra-financa priservo de la societo,  
6) akceptado kaj forstrekado de membroj de la societo,  
7) kunvokado de ĝeneralaj membrokunvenoj,  
8) reprezentado de la societo en ĝia agadtereno,  
9) fiksado de membrokotizoj,  
10) nomado kaj dissolvado de konstantaj aŭ dumtempaj problemaj komisionoj,  
11) akceptado de organizaj-financaj regularoj.  
                                                                                        § 29  
1. Kunsidoj de la Ĉefa Estraro okazas laǔnecese, tamen ne malpli ofte ol unufoje dum 3 monatoj.  
2. Decidoj de la Ĉefa Estraro estas farataj per simpla plimulto da voĉoj en ĉeesto de 1/2 da membroj. En kazo de voĉegaleco decidas voĉo de la prezidanto.

REVIZIA KOMISIONO

                                                                                       § 30  
1. La Revizia Komisiono konsistas el 3 personoj kaj elektas el inter si prezidanton kaj sekretarion.  
2. Al kompetenteco de la Revizia Komisiono apartenas:  
a) kontroli almenaŭ unufoje jare tuton de la agado kaj precipe financan mastru­madon de la societo,  
b) elpaŝi al la Ĉefa Estraro kun proponoj kaj rekomendoj rezultantaj el kontrolo kaj postuli klarigojn,  
c) raporti dum la Ĝenerala Kunveno kaj prezenti konkludojn koncerne absolutorion por la cedanta Ĉefa Estraro.  
3. Membroj de la Revizia Komisiono rajtas partopreni kunsidojn de la Ĉefa Estraro kun konsila voĉo.

Ĉapitro VI: Havaĵo de la societo

                                                                                        § 31  
1. Havaĵon de la societo konsistigas nemoveblaĵoj, moveblaĵoj, rajtoj kaj fondusoj, t.e. aktivoj en kontantaĵo kaj en bankaj kontoj.  
2. Fondusoj de la societo konsistas el:  
    a) membrokotizoj,  
    b) enspezoj el la statuta agado de la societo,  
    c) enspezoj el la mastrumada agado,  
    d) donacoj kaj legacioj,  
    e) subvencioj.
3. Pri enspezoj de la societo mastrumas la ĉefa Estraro.  
4. Por valideco de skribaĵoj kaj dokumentoj en la aferoj de la societo estas necesaj du subskriboj: de prezidanto aŭ vicprezidanto kaj de sekretario aŭ kasisto.

Ĉapitro VII: Statutoŝanĝo kaj dissolvo de la societo

                                                                                        § 32  
1. Decidojn pri statutoŝanĝo kaj dissolvo de la societo faras la Ĝenerala Membro­kunveno per plimulto de 2/3 da voĉoj en ĉeesto de almenaŭ 1/2 da voĉrajtigitaj membroj. Oni allasas eblecon de koresponda voĉdonado en supraj aferoj.  
2. En la kazo de decido pri dissolvo de la societo la Ĝenerala Membrokunveno decidas pri destino de havaĵo kaj nomas Likvidan Komisionon.

* * * * *

La Silezia Genealogia Societo estas enskribita en registron de asocioj surbaze de decido de la Vojevodia Juĝejo en Vroclavo N-ro 111/92 la 26-an de majo 1992. Numero de la registro: Rej. A St. 111/92. Konfirmiga registro en la Distrikta Juĝejo Wroclaw-Fabryczna la 16-an de oktobro 2001. Registronumero KRS: 0000053876.

Aktualigo: februaro 2005	Bonvolu skribi al Eŭrogento		Kodado / encoding: Unikodo UTF-8
Update: February 2005	Please write to Eurogento		© SGS 2003